Hengill Ultra skráning í fullum gangi og SHUT TV kemur aftur!
Skráningar í Hengil Ultra keppnina er í fullum gangi. Yfir 300 þátttakendur eru skráðir og koma þeir frá 21 landi. Nýttu þér besta verðið sem er í gildi þangað til 31. mars og skráðu þig núna.
Salomon Hengill Ultra Sjónvarpið – SHUT TV
Allt mótið verður í beinni útsendingu frá föstudagsmorgni fram á miðjan sunnudag. Þannig verður hægt að fylgjast með öllum ræsingum og framgangi hlaupsins hvar sem þið eruð í heiminum. Við prófuðum þetta að hluta til í fyrra og það tókst mjög vel en nú gerum við enn betur með fleiri myndavélar og enn meira upplýsingamagn um framgang keppninnar.
Útsendingin verður meðal annars í beinni á Vísir.is.
SHUT TV er með dagskrá klukkutíma fyrir hverja ræsingu og hefst þannig fyrsta útsending kl 07:00 á föstudagsmorguninn svo verður hlé á dagskrárgerð til 17:00 sama dag og það verður nánast sleitulaus dagskrá allt hlaupið. Hér að ofan má sjá samantektar klippu af hlaupinu frá því í fyrra.
Börkur Brynjarsson með góðgerðarhlaup á laugardaginn (18. mars)
Okkar ástsæli Börkur Brynjarsson stendur fyrir frábærum hlaupa- og góðgerðar viðburði á laugardaginn kemur. Verum með; hlaupum, hvetjum eða hreinlega leggjum inn áheit. Við sem stöndum að Salomon Hengil Ultra verðum með pepp og partýstöð á staðnum og bjóðum upp á kaffi og gos fyrir gesti og gangandi. Skoðaðu viðburðinn hérna.
Hengill Ultra EXPO
Undirbúningur fyrir HENGIL ULTRA EXPO stendur nú sem hæst. Expoið verður opið frá klukkan 16:00 á föstudeginum 9. júní til klukkan 22:30 og svo aftur frá 06:30 morguninn eftir til klukkan 16:00. Expoið er í íþróttahúsinu í miðbæ Hveragerðis þar sem hjarta keppninnar er og þar verður risaskjár þar sem SHUT TV er í beinni. Þannig verður hægt að fylgjast með öllum ræsingum og framgangi hlaupsins inni á Expo svæðinu. Einnig verða allir brautarfundir og aðal verðlaunaafhendingar þar inni.
10km leiðin er fyrir alla!
Vissir þú að Hengill Ultra er með 10 km leið? Þetta er frábær og falleg leið til að hlaupa, skokka og fara á þínum eigin hraða með vinum, fjölskyldu og börnunum. Rakel María Hjaltadóttir hittir hér nokkra hressa Hvergerðinga og rennir í gegnum leiðina. Skoðaðu myndbandið og kynntu þér leiðina.
Salomon Hengill Ultra er að nálgast. Skráning í fullum gangi, skráðu þig núna til þess að tryggja þér besta verðið!
