Skemmtilegasta mótaröð Íslands
Víkingamótin
Fjórar stórkostlegar keppnir í hjólasporti og hlaupum.
Mótaröðin hefst í júní með stærsta utanvegahlaupi landsins, Hengill Ultra Trail, sem haldið er í Hveragerði. Hægt er að velja úr 5 mismundi vegalengdum um Hengil svæðið.
Næst er það ein skemmtilegasta hjólreiðakeppni landsins, KIA Gullhringurinn. Frábær fyrir byrjendur jafnt sem lengra komna.
Síðla sumars fer utanvegahjólreiðakeppnin Landsnet MTB ofram þar sem þátttakendur hjóla 23km hring frá Skíðaskálanum í Hveradölum um Hellisheiðina.
Mótaröðinni lýkur í september með utanvegahlaupinu NOW Eldslóðin. Hlaupið verður frá Vífilsstaðavatni og inn að Búrfellsgjá. Boðið er uppá 2 mismunandi vegalengdir.
VÍKINGASVEITIN
Með því að taka þátt og ljúka einhverri vegalengd í öllum keppnunum í sumar komast þátttakendur í VÍKINGASVEITINA.
ÍSLANDS-VÍKINGUR
Ætli þátttakendur sér nafnbótina ÍSLANDS VÍKINGUR þá þurfa þátttakendur að klára 59km í KIA Gullhringnum, 28km í NOW Eldslóðinni, 26km í Hengil Ultra Trail & 23km í Landsnet MTB keppnisflokki. Þátttakendur mega fara lengri vegalengdir en ekki styttri til að ná því að verða Íslands Víkingur.
JÁRN-VÍKINGUR
Að komast í hóp JÁRN VÍKINGA er heldur flóknara verkefni. Þá er verkefnið að klára 59km í KIA Gullhringnum, 28km í NOW Eldslóðinni, 56km í Hengil Ultra Trail og 23km í Landsnet MTB keppnisflokki. Þátttakendur mega fara lengri vegalengdir en ekki styttri til að ná því að verða Járn Víkingur.
Hengill Ultra er stærsta utanvegahlaupakeppni á Íslandi þar sem leiðir fara um og yfir Hengilssvæðið. Styttri vegalengdirnar eru í kringum Hveragerði og upp að Hamrinum sem er gríðarlega fallegur hraunhamar yfir bænum.
KIA Gullhringurinn er skemmtileg hjólreiðakeppni. Keppnin hefur verið haldin frá árinu 2012, fyrst á Laugarvatni en nú á Selfossi. Fjölbreyttar leiðir í boði, fjölskylduvænar vegalengdir ásamt vegalengdum fyrir keppnisfólk.
NOW Eldslóðin er utanvegahlaup sem hlaupið er frá Vífilsstaðasvæðinu í Garðabæ, meðfram Vífilsstaðavatni, inn að Búrfellsgjá, upp að Helgafelli og hringinn í kringum fellið.
Utanvegahjólreiðakeppnin Landsnet MTB fer fram við Skíðaskálann í Hveradölum og hjóla þátttakendur 23km skemmtilegan og krefjandi hring um Hellisheiðina.
Nytsamlegt & Nauðsynlegt!
Víkingamóta Verslunin
Vertu flott/ur í Víkingamóta varningi! Við byrjum á því að bjóða upp á gæða boli merktum KIA Gull og Hengil Ultra keppnunum ásamt afar handhægum drykkjarílátum merktum Víkingamótunum. Tilvalið fyrir þau sem vilja eiga minjagrip um góðar stundir í góðum félagsskap og minnast árangursins og keppnisdagsins.
Við prentum í takmörkuðu upplagi fyrir hvert keppnisár og erum ekkert að grínast með fyrsta droppið þar sem við erum með gyllt merki til boða!
Gríptu þitt eintak úr fyrsta upplagi á meðan birgðir endast!
Víkingamótin
- Hengill Ultra - 7.-8. júní 2024
- KIA Gullhringurinn - 1.-2. júlí 2023
- NOW Eldslóðin - 23. september 2023
- Landsnet MTB - 24. september 2023
